يا ريت نبطل اسطوانة ان بتوع التحرير ما بيمثلوش كل المصريين الناسس دول هم اللى بيتحركوا و بيعملوا حاجة الكتلة الصامتة مفعول بها و دايما مالهاش رد فعل لو اى حاجة حصلت حيرضوا بيها يبقى المفروض لما المجلس يبص للشعب يشوف الناس اللى فى ميادين التحرير أولا .
و بعدين الاقتصاد كدهكده واقع و الناس الفقيرة بقالها 30 سنة مش لاقية تاكل فمش الايام اللى حنحقق فيها كرامة مصر (عشان كرامة المصرى اللى اترمى فى الزبالة هى كرامة مصر ) ده رأيى و انا مسئولة عنه.
و بعدين احنا شفنا أول استفتاء وصلنا لايه (للفوضى الحقيقية )نعمل واحد تانى ازاى ؟الناس لما بتخيرها بين "الاستقرار" المزعوم و الفوضى (اللى لو حصلت أصلا مش حتزيد عن شهر بالكتير مش 10 شهور كل يوم تحصل كارثة فى البلد )،بيختاروا "الاستقرار"يبقى احنا بنلف فى دايرة ومش حنوصل غير لفوضى أكتر .