عمومنا جلال

أول مرة أزعل لوفاة كاتب ،الزعل اللى بجد ده مش كلام و خلاص .
كان لوفاة جلال عامر .
مش عارفة ليه بالضبط ،أصلا مكنتش بقراله يوميا و لا كنت متابعاه قوى فى التليفزيون بس لما كان بيجى فى سكتى بالصدفة مقال ليه كان لازم اقراه ،كنت بحس إنه زى جدى اللى مشفتوش راجل بن بلد و جدع فى نفس الوقت مثقف جدا"و بيقدر يوصل معانى صعبة جدا" للناس بكلمات بسيطة .


ليلة وفاته و أنا مروحة ركبت تاكسى و كان راكب قدام جنب السواق راجل كل اللى شفته منه شعره الابيض بس سبحان الله كان الراجل طريقة كلامه زى جلال عامر بالظبط حتى صوته ،و أفكاره ،كان عمال يقول للسواق (الشاب ):"ن بكرة ليكو و احنا فضلنا ساكتين 60 سنة انتو اوعوا تعملوا زينا و تمشوا جنب الحيط ،بكرة ليكو ."


ساعتها بس عرفت إن عم جلال كان كان بيعبر عن جيل بحاله من ولاد البلد المثقفين اللى دايما بيسندوا ضهر الشباب بحماسهم اللى ما بيخلصش  حتى بعد موتهم .تخيلوا !


الفاتحة لجلال عامر .